வளர்ச்சியை நிலைநிறுத்தும் இந்தியா-பெலாரஸ் உறவுகள்

 வளர்ச்சியை நிலைநிறுத்தும் இந்தியா-பெலாரஸ் உறவுகள்

(சிஐஎஸ் மூலோபாய ஆய்வாளர் முனைவர் இந்திராணி தாலுக்தார் எழுதிய ஆங்கில உரையின் தமிழாக்கம் த.க.தமிழ் பாரதன்)

13.08.2020 ஆங்கிலக் கட்டுரை :  http://airworldservice.org/english/archives/102320

பெலாரஸின் தற்போதைய அதிபர் அலெக்சாண்டர் லுகாஷென்கோ 2020 அதிபர் தேர்தலில் வெற்றி பெற்றுள்ளார். அவர் 26 ஆண்டுகளுக்கும் மேலாக பெலாரஸின் அதிபராக இருந்து வருகிறார். தேர்தல் முடிவுகள் அறிவிக்கப்பட்டபோது, தலைநகர் மின்ஸ்க் மற்றும் பிற இடங்களில் குடிமக்கள் தங்கள் அதிருப்தியைக் காட்ட வீதிக்கு வந்தனர். இருப்பினும், தேர்தல் முடிவுகள் இந்தியாவிற்கும் பெலாரஸுக்கும் இடையிலான இருதரப்பு உறவில் எவ்விதத் தாக்கத்தையும் ஏற்படுத்தும் என்று எதிர்பார்க்கப்படவில்லை.

பெலாரஸுடனான இந்தியாவின் உறவுகள் மரபுரீதியாக சுமூகமாக இருந்துள்ளன. சோவியத் யூனியன் பிரிந்த பின்னர் 1991இல் பெலாரஸை ஒரு சுதந்திர நாடாக அங்கீகரித்த முதன்மையான நாடுகளில் இந்தியாவும் ஒன்றாகும். இந்த அங்கீகாரம் இரு நாடுகளுக்கும் பல்வேறு விசயங்களில் நல்ல புரிதலையும் பொதுவான கருத்துக்களையும் வளர்த்துக் கொள்ள உதவியது. ஐ.நா.பாதுகாப்புக் குழு (யு.என்.எஸ்.சி) மற்றும் அணுசக்தி வழங்குநர் குழு (என்.எஸ்.ஜி) போன்ற பலதரப்பு மன்றங்களில் இரு நாடுகளுக்கும் இடையிலான ஒத்துழைப்பு காணப்படுகிறது. உண்மையில், ஜூலை 2020இல் யு.என்.எஸ்.சி.யில் நிரந்தரமற்ற இடத்திற்கான இந்தியாவின் வேட்புமனுவை உறுதிப்படுத்த உதவிய நாடுகளில் பெலாரஸும் ஒன்றாகும். பல்வேறு சர்வதேச அரங்குகளில் பெலாரஸின் ஆதரவை இந்தியாவும் பரிவர்த்தனை செய்துள்ளது. ஐ.நா. அணிசேரா இயக்கம் (என்ஏஎம்) மற்றும் ஐபியு (இடை-நாடாளுமன்ற ஒன்றியம்) போன்ற பிற பன்னாட்டு மற்றும் பலதரப்பு குழுக்களில் பெலாரஸின் உறுப்பினர்நிலையை புதுதில்லி ஆதரிக்கிறது. மனித உரிமைகள் மீறல் மற்றும் கருத்துச் சுதந்திரம் மீதான கட்டுப்பாடுகள் ஆகியவற்றிற்காக பெலாரஸை குறிவைத்த ஜெனீவா மற்றும் நியூயார்க்கின் பல்வேறு தீர்மானங்கள் குறித்த இந்தியாவின் ஆதரவு நிலைப்பாடு பெலாரஸால் மிகவும் பாராட்டப்பட்டது.

உலகளாவிய சக்தியாக வளர்ந்து வரும் இந்தியாவின் வளர்ச்சியைப் புரிந்துகொண்டு, பெலாரஸ் இந்தியாவுடன் "மூலோபாய உறவை" வளர்க்க முயல்கிறது. ஜி20, ஷாங்காய் ஒத்துழைப்பு அமைப்பு (எஸ்சிஓ) மற்றும் பிரிக்ஸ் ஆகியவற்றில் புதுதில்லியின் உறுப்பினர்நிலை பெலாரஸுக்கும் குறிப்பிடத்தக்கதாகும், இது குறிப்பாக யூரேசிய பிராந்தியத்தில் தனது செல்வாக்கை விரிவுபடுத்த விரும்புகிறது.

சுமூகமான நட்புறவை வளர்ப்பதில் இரு நாடுகளும் கடுமையாக உழைத்துள்ளன. இது, இரு தரப்பிலிருந்தும் உயர் மட்ட வருகைகளுடன் வெளிப்படையாகத் தெரிகிறது. இரு தரப்பினரும் பல்வேறு பகுதிகளில் ஒத்துழைத்து வருகின்றனர். உலோகங்கள் மற்றும் சுரங்கங்கள், கல்வி மற்றும் கனரக எந்திரங்கள், அறிவியல் மற்றும் தொழில்நுட்பம், எரிசக்தி துறை, பொட்டாஷ் உரங்கள், இந்தியாவில் பொதுமின்சார போக்குவரத்து முறையை நவீனமயமாக்குதல், வேளாண்மை மற்றும் வேளாண் பதப்படுத்துதல் மற்றும் சுற்றுலா ஆகிய துறைகளில் இந்தியா மற்றும் பெலாரஸ் ஒத்துழைத்து வருகிறது. பாதுகாப்புப் பகுதிகளை உற்பத்தி செய்யும் கூட்டுத் திட்டங்களுக்கு இரு நாடுகளும் ஒப்புக் கொண்டுள்ளன. சோவியத் காலத்து பாதுகாப்புக் கருவிகளைப் பராமரிப்பதிலும் மேம்படுத்துவதிலும் பெலாரஸ் உயர் திறன்களை வளர்த்து வருவதால் இது இந்தியாவுக்கு நன்மை பயக்கும்.

2015ஆம் ஆண்டு அப்போதைய இந்தியக் குடியரசுத் தலைவரின் பெலாரஸ் பயணத்தின் போது, புதுதில்லி மற்றும் மின்ஸ்க் பல ஒப்பந்தங்கள் மற்றும் புரிந்துணர்வு ஒப்பந்தத்தில் கையெழுத்திட்டன, இதில் இந்திய பங்குகள் பரிவர்த்தனை வாரியம் (செபி) மற்றும் நிதி அமைச்சகம், இந்திய தரநிர்ணய செயலகம் அத்துடன் பிரச்சார் பாரதி மற்றும் பெலாரஸ் தேசிய தொலைக்காட்சி இடையேயான ஒப்பந்தங்கள் அடங்கும். அமைதித் தூதரை பெருமைப்படுத்தும் விதமாக 2018இல் பெலாரஸ் மாநில பல்கலைக்கழகத்தில் மகாத்மா காந்தியின் சிலையையும் பெலாரஸ் நிறுவியது. இரு நாடுகளுக்கும் இடையிலான உயர் மட்ட வருகைகளின் ஒட்டுமொத்த நிலை வெற்றிகரமாக உள்ளது.

பொருளாதாரத் துறையில், 2019ஆம் ஆண்டின் இருதரப்பு வர்த்தக வருவாய் 569.6 மில்லியன் அமெரிக்க டாலராக உள்ளது. முந்தைய ஆண்டை விட குறிப்பிடத்தக்க அதிகரிப்பு ஏற்பட்டுள்ளதாக தகவல்கள் தெரிவிக்கின்றன. 2015ஆம் ஆண்டில் பெலாரஸுக்கு சந்தைப் பொருளாதார நிலையை வழங்கிய இந்தியாவின் சிறப்பு செயற்குறிப்பு மற்றும் 100 மில்லியன் அமெரிக்க டாலர் கடன்வரம்பு ஆகியவை பொருளாதாரத் துறையின் வளர்ச்சிக்கு உதவியுள்ளன. ‘மேக் இன் இந்தியா’ திட்டங்களில் முதலீடு செய்ய பெலாரஸ்ய வணிகர்களுக்கு இந்தியாவின் ஊக்கம் பலனைத் தருகிறது.

பெலாரஸின் மூலோபாய இருப்பிடம் யூரேசியாவிற்கான இடைக்கால உயிர்நாடியாக மாறும், மேலும் எதிர்காலத்தில் சர்வதேச வடக்கு-தெற்கு தாழ்வாரத்துடன் (ஐ.என்.எஸ்.டி.சி) இணைவதற்கு இந்தியாவுக்கு உதவ முடியும். ரஷ்யா உள்ளிட்ட பிற ஐ.என்.எஸ்.டி.சி உறுப்பினர்களுடன் பெலாரஸ் பகிர்ந்து கொள்ளும் வலுவான உறவு இந்தியாவுக்கு பெரும்நன்மை அளிப்பதாகும்.

இந்தியாவிற்கும் பெலாரஸுக்கும் இடையிலான இருதரப்பு நம்பிக்கையையும் புரிதலையும் கருத்தில் கொண்டால், அந்த உறவு வலுவடையும். இந்திய தொழில்நுட்ப மற்றும் பொருளாதார ஒத்துழைப்புத் திட்டத்தின்கீழ் பெலாரஸின் மனிதவள மேம்பாட்டிற்கு இந்தியா உதவுகிறது. இதுவரை, 290க்கும் மேற்பட்ட பெலாரஸ்ய அதிகாரிகள் மற்றும் பிறர் இதன் மூலம் பயனடைந்துள்ளனர். பிரதமர் நரேந்திர மோடியின் இந்த ஆண்டு பயணத்தை பெலாரஸ் எதிர்நோக்கியுள்ளது, இது இருதரப்பு உறவுகளுக்கான முக்கிய நிகழ்வாகக் கருதப்படும்.

நன்றி : அகில இந்திய வானொலி, திரைகடல் ஆடிவரும் தமிழ்நாதம்

தமிழ்க் கட்டுரை : http://airworldservice.org/tamil/%e0%ae%b5%e0%ae%b3%e0%ae%b0%e0%af%8d%e0%ae%9a%e0%af%8d%e0%ae%9a%e0%ae%bf%e0%ae%af%e0%af%88-%e0%ae%a8%e0%ae%bf%e0%ae%b2%e0%af%88%e0%ae%a8%e0%ae%bf%e0%ae%b1%e0%af%81%e0%ae%a4%e0%af%8d%e0%ae%a4%e0%af%81/

மனசெல்லாம் பந்தலிட்டு

முல்லக் கொடியா உன்ன நட்டேன்!

உசுருக்குள் கோயில்கட்டி

உன்னக் கொலுவச்சி கொண்டாடினேன்!

மழ பேஞ்சா தானே உன்வாசம்!

உன்னை நினச்சாலே பூ வாசந்தான்.......

காஷ்மீரின் வளமான பண்பாட்டு மரபு

30.07.2020

காஷ்மீரின் வளமான பண்பாட்டு மரபு

 (அரசியல் உரையாளர் அசோக் ஹண்டூ எழுதிய ஆங்கில உரையின் தமிழாக்கம் த.க.தமிழ் பாரதன்)

ஆங்கிலக் கட்டுரை : http://airworldservice.org/english/archives/101977

இந்தியாவின் மகுடமான காஷ்மீர், கலப்புப் பண்பாட்டிற்கு மிகப் பொருத்தமான சான்றாகும், அங்கு பல்வேறு சிந்தனை ஓடைகள் தலைமுறைகளாக இணைந்திருக்கின்றன, மரபுகள் ஒன்றுக்கொன்று மதிப்பு சேர்க்கின்றன. இது இந்து, பௌத்தம் மற்றும் இஸ்லாம் ஆகியவற்றால் தாக்கம்பெற்றுள்ள பல தத்துவங்களின் உண்மையான கலவையாகும், இந்த உயர்நிலை ‘காஷ்மீரியத்’ என்று அறியப்படுகிறது. இந்த தத்துவத்தின் சாராம்சம் ஒற்றுமையுடனும் சகோதரத்துவத்துடனும் வாழ்வதே ஆகும்.

14 ஆம் நூற்றாண்டில் இஸ்லாத்தின் வருகைக்கு முன்புவரை, காஷ்மீர் இந்து மதம் மற்றும் பௌத்த மதத்தின் கட்டுப்பாட்டில் இருந்தது. அதன் பின்னர் அது இஸ்லாமிய செல்வாக்கின்கீழ் வந்தது. ஆனால் மதம், ஆன்மீகம் மற்றும் சிந்தனை ஓட்டங்கள் ஒருபோதும் விரோதமானவை அல்ல, ஆனால் ஒன்றுக்கொன்று பாராட்டுக்குரியவை. எனவே, அவ்விடத்தில் இந்து ஆன்மீகம் இருந்திருந்ததால், இஸ்லாத்தின் ஆன்மீக மரபான சூஃபி இயக்கமும் செழித்து வளர்ந்தது. லால் டெட் என்று பிரபலமாக அறியப்பட்ட சிறந்த ஆத்ம கவிஞர் லாலேஸ்வரி தனது ‘வாக்ஸ்’ (கவிதை) மூலம் ஆன்மீகத்தைப் உபதேசித்தார். இஸ்லாமிய காலத்திற்கு, முந்தைய மற்றும் பிந்தைய காலங்களுக்கு இடையிலான பாலமாக அவர் விளங்கினார். அவரது சமகாலத்தவரான, நண்ட் ரிஷி என்றழைக்கப்பட்ட ஷேக் நூர் உத் தின் நூரானிக்கு இசைக்கோல் அனுப்பினார். அவர்கள் புனித கவிஞர்களாக இருந்தனர். அவர்கள் மனிதகுலத்தின் முன்னேற்றத்திற்காக வெவ்வேறு சிந்தனையோட்டங்களை ஒத்திசைப்பதாகக் கூறினர். சாமானியர்களுக்கான தனது செய்தியின் ஊடகமாக காஷ்மீர் மொழியைப் பயன்படுத்திய முதல் கவிஞர் லால் டெட் ஆவார்.

இந்த சிந்தனை ஒருங்கிணைப்பு காஷ்மீரின் ஒவ்வொரு வாழ்க்கைத் துறையிலும் பிரதிபலித்தது. மதத்தில், இந்துக்களும் இசுலாமியர்களும் ஒருவருக்கொருவர் முழுமையான இணக்கத்துடன் வாழ்ந்தனர். பள்ளத்தாக்கு முழுவதும் இந்துக்களாலும் இசுலாமியர்களாலும் சமமாகப் போற்றப்படும் ஏராளமான திருத்தலங்கள் அவ்வாறுதான் உள்ளன. தீவிரவாத சக்திகளால் தங்கள் மோசமான எண்ணங்களை அடைய மக்களின் இந்த மதச்சார்பற்ற தன்மையே இலக்காக வைக்கப்பட்டது.

முன்னதாக, வெவ்வேறு ஆட்சியாளர்களால் இந்த இடத்தின் மதச்சார்பற்றத் தன்மையை சேதப்படுத்தும் முயற்சிகள் மேற்கொள்ளப்பட்டுள்ளன. ‘பட்ஷிகன்’ என்று அழைக்கப்படும் சிக்கந்தர், ஐகானோக்ளாஸ்ட், ஆயிரக்கணக்கான கோயில்களை அழித்து கட்டாய மாற்றங்களைத் தொடர்ந்தார். ஆனால், பின்னர் புட்ஷா, காஷ்மீர் பண்டிதர்களுக்கு மறுவாழ்வு அளித்ததோடு பள்ளத்தாக்கிலிருந்து தப்பி ஓடியவர்களை மீண்டும் அழைத்து வந்தார். ஆனால் இந்த தனிமைப்படுத்தப்பட்ட அத்தியாயங்களுக்கு எப்போதும் அமைதி, இருதரப்பு சகோதரத்துவம் மற்றும் ஆன்மீகம் ஆகியவற்றின் நிலமாக காஷ்மீர் இருந்து வருகிறது. காஷ்மீரின் முதல் சூஃபி கவிஞர் நண்ட் ரிஷி, எளிமையைப் போதித்து சுற்றுச்சூழலைப் பாதுகாக்க வலியுறுத்தினார். நமது காடுகள் நீடிக்கும் வரை மட்டுமே உணவு நீடிக்கும் என்ற அவரது கூற்று மக்களிடையே மிகவும் பிரபலமானது.

கோனந்தா ஆண்ட இந்த இடம் மகாபாரத போர்க்காலத்திற்கு முந்தையது என்று காஷ்மீரின் வரலாறு கூறுகிறது. பின்னர், அசோகர் இன்றைய ஸ்ரீநகருக்கு அருகிலுள்ள இடத்தில் ஸ்ரீநகர் நகரத்தை நிறுவினார். காஷ்மீரில் வாழ்க்கை பல பண்பாடுகளால் தாக்கம் பெற்றுள்ளது. இன்று நாம் காண்பது, அந்த இடத்தை ஆண்டவர்கள் அல்லது ஆன்மீகத்தைத் தேடி பள்ளத்தாக்குக்கு வந்த முகலாயர், ஆப்கானியர் மற்றும் பிறரின் கலவையாகும். காஷ்மீர் அப்போது உலகம் முழுவதும் ‘ரிஷ் வேர்’ புனிதர்களின் நிலம் என்று அறியப்பட்டது. உலகப் புகழ்பெற்ற கையால் நெய்யப்பட்ட தரைவிரிப்புகள் மற்றும் வண்ணமயமான வடிவமைப்புகள் மற்றும் உயர் வகுப்பு எம்பிராய்டரிக்கு பெயர் பெற்ற பாஷ்மினா சால்வைகள் போன்ற கைவினைப் பொருட்கள் துறையில் பாரசீகத்தின் தாக்கம் முக்கியமானது. தனித்துவமான மரச் செதுக்குதல் மற்றும் பேப்பியர் மேச் ஆகியவை பல பண்பாட்டுச் சங்கமத்தின் விளைவாகும். இந்தோ-கிரேக்க செல்வாக்கு பண்டைய கோவில்களின் கட்டிடக்கலையில் காணப்படுகிறது. இசுலாமிய செல்வாக்கு உணவுப் பழக்கவழக்கங்களில் காணப்படுகிறது, இதன் விளைவாக பிரபலமான ‘வாஸ்வான்’, பலவகை புலால் உணவுகள் தோன்றின. ஜம்மு பகுதி வட இந்திய பண்பாட்டால் தாக்கமடைந்துள்ளது.

இயற்கையின் அருட்கொடை பெற்றுள்ள காஷ்மீர், எப்போதும் ஓர் அற்புதமான சுற்றுலாத் தலமாக அறியப்படுகிறது. இது உண்மையிலேயே ஒரு மினி இந்தியா ஆகும், இது இயற்கையின் அருட்கொடையின் மத்தியில் வெப்பமான மற்றும் குளிரான பகுதிகளை உள்ளடக்கியுள்ளது.

குறிப்பாக இசை மற்றும் இசைக்கருவிகள் துறையில் காஷ்மீரின் புவியியல் இருப்பிடம் எப்போதும் மத்திய மற்றும் கிழக்கு ஆசியாவிலிருந்து தாக்கம் பெற்றுள்ளது. ஆப்கானிஸ்தானும் காஷ்மீரின் இசையில் பெரும் தாக்கம் செலுத்தியது. 12 ஆம் நூற்றாண்டில் சமஸ்கிருதத்தில் கல்ஹானா எழுதிய ராஜ்தரங்கினி, வரலாற்றின் முதல் பதிவாகும்.

நவீன காலங்களிலும், இந்து-இசுலாம் ஒற்றுமை மற்றும் இருதரப்பு சகோதரத்துவத்தைக் கடவுளை அடைய வழி என்று போதித்த மெஹ்ஜூர் மற்றும் ஆசாத் போன்ற கவிஞர்களைக் காஷ்மீர் கொண்டுள்ளது. இதனால் பெருமைப்பட வேண்டியது நிறைய இருக்கிறது. இது தொடர்ந்து வெற்றியடைந்து முன்னேற்றத்தைக் காட்டும்.

நன்றி : அகில இந்திய வானொலி, திரைகடல் ஆடிவரும் தமிழ்நாதம்

http://airworldservice.org/tamil/%e0%ae%95%e0%ae%be%e0%ae%b7%e0%af%8d%e0%ae%ae%e0%af%80%e0%ae%b0%e0%ae%bf%e0%ae%a9%e0%af%8d-%e0%ae%b5%e0%ae%b3%e0%ae%ae%e0%ae%be%e0%ae%a9-%e0%ae%aa%e0%ae%a3%e0%af%8d%e0%ae%aa%e0%ae%be%e0%ae%9f%e0%af%8d/

ஆட்டத்தை மாற்றும் ரஃபேல்

30.07.2020

ஆட்டத்தை மாற்றும் ரஃபேல்

 (பாதுகாப்பு ஆய்வாளர் உத்தம் குமார் பிஸ்வாஸ் எழுதிய ஆங்கில உரையின் தமிழாக்கம் த.க.தமிழ்பாரதன்)

ஆங்கிலக் கட்டுரை: http://airworldservice.org/english/archives/101926

அம்பாலா விமானப்படைத் தளத்தில் ஐந்து ரஃபேல் ஜெட் போர் விமானங்களின் முதல் தொகுதி வருகை இந்திய விமானப்படையின் (ஐஏஎஃப்) போர்த் திறன்களுக்கு மிகப்பெரிய ஊக்கமளிக்கிறது. அதே நேரத்தில், மூலோபாய ரீதியாக அம்பாலா விமானத் தளத்திலேயே 17 ‘கோல்டன் ஆரோஸ்’ படைப்பிரிவைத் தொடங்குவதும் குறிப்பிடத்தக்கதாகும், ஏனெனில் இது மேற்குப் பகுதியிலிருந்து 250 கிலோ மீட்டர் தொலைவில் உள்ள விமானப்படையின் செயல்பாட்டுத் தயார்நிலையைக் குறிக்கிறது. பிரெஞ்சு விமான நிறுவனமான டசால்ட் உருவாக்கிய போர் விமானங்கள், தெற்கு பிரான்சின் போர்டியாக்ஸில் உள்ள மெரிக்னாக் விமான நிலையத்திலிருந்து புறப்பட்டு 7000 கிலோ மீட்டர் தூரத்தைக் கடந்து ஏர்-டூ-ஏர் எரிபொருள் நிரப்புதலுடனும் ஐக்கிய அரபு அமீரகத்தில் உள்ள பிரெஞ்சு விமானத் தளத்தில் நிறுத்தத்துடனும் இந்தியாவை அடைந்தன.

IAF ஆல் “கேம் சேஞ்சர்” என்று அழைக்கப்படும் ரஃபேல் போர்விமானங்கள் இந்தியாவின் சர்வதேச எல்லைகளில் வான்ஆற்றல் சமனிலையை மீட்டமைக்கும் என்று எதிர்பார்க்கப்படுகிறது. உண்மை என்னவெனில், எதிர்காலத்தில், போர்த் துறைகளில் விமான சக்தி தீர்க்கமான காரணியாக இருக்கும். ஸ்டாண்ட்-ஆஃப் வரம்புகளில் செயல்திறன், நீண்ட தூரம் மற்றும் துல்லியமான ஆயுத விநியோகம் வான்வழியில் நம்பத்தகுந்த குற்றத்தடுப்புத் திறனை வழங்குகிறது. ரஃபேல் ஜெட் விமானங்களின் செயல்பாட்டுப் பன்முகத்தன்மையைக் கருத்தில் கொண்டு, விமானப் போர்ப்படை IAFக்கு ஒரு சக்திப் பெருக்கமாக மாறுவதற்குத் தேவையான உத்வேகத்தை வழங்கும் என்று கூறுவது மிகையாகாது.

இரண்டு பத்தாண்டுகளாக, ஐ.ஏ.எஃப் போர்ப்படையின் முதுகெலும்பாக ரஷ்ய சுகோய் சு-30 எம்.கே.ஐ விமானங்கள் அமைந்தன. இரட்டை-இருக்கை, இரட்டை-இயந்திர மல்டிரோல் போர் விமானங்களில் 272 பறக்கிறது. அவற்றில் சில சூப்பர்சோனிக் பிரம்மோஸ் வான்வழி ஏவுகணைகளைக் கொண்டு செல்ல மாற்றியமைக்கப்பட்டுள்ளன. ஆயுத தொகுப்புடன் ரஃபேல் ஜெட் விமானங்களைத் தொடங்கிவைப்பது படைகளின் செயல்பாட்டுத் திறனுக்கு வலுசேர்க்கும். வான்வெளியில் உள்ள ஒவ்வொரு ரஃபேலுக்கும் எதிர்த்துச் சவால்விட குறைந்தது இரண்டு எஃப்-16 தேவைப்படும். ரஷ்யாவிலிருந்து வரவிருக்கும் எஸ்400 வான் பாதுகாப்பு அமைப்பின் விநியோகங்களுடன் இணைந்து, ரஃபேல் ஜெட்கள் துணைக் கண்டத்தில் இந்தியாவின் வான் வலிமையை பெரிதளவில் மேம்படுத்தும்.

ரஃபேலின் வான்வழி நடவடிக்கைகளில் எந்த எதிரியும் தலையிட முடியாது. இஸ்ரேலிய ஹெல்மெட்-மவுண்டட் காட்சிகள், ரேடார் எச்சரிக்கை பெறுதல், குறைந்த-அலைவரிசை ஜாமர்கள், பத்து மணிநேர விமான தரவு-பதிவு மற்றும் கண்காணிப்பு அமைப்புகள் உள்ளிட்ட இந்தியாவின் குறிப்பிடத்தக்க பல்வேறு மாற்றங்களுடன் ரஃபேல் ஜெட் மாற்றியமைக்கப்பட்டுள்ளது; இவை ஐரோப்பிய ஏவுகணைத் தயாரிப்பாளரான எம்பிடிஏவின் ‘Meteor’ ஏவுகணை, காட்சி எல்லைக்கு அப்பாற்பட்ட ஏர்-டூ-ஏர் ஏவுகணை மற்றும் ‘scalp’ ஏர்-டூ-க்ரவுண்ட் பயணிக்கும் ஏவுகணை உள்ளிட்ட பல திறமையான ஆயுதங்களை எடுத்துச் செல்லும் திறன் கொண்டவை. இது முழுமையான பல்துறை விமானமாகும், இதனால் அனைத்து போர் விமானங்களையும் எதிர்கொள்ள முடியும்.

இதன்வழி, வான் வலிமை மற்றும் வான் பாதுகாப்பு, நெருக்கமான விமான ஆதரவு, வலிமையான வான் தாக்குதல்கள், உளவு மற்றும் அணுசக்தி தடுப்பு ஆகியவை அடையவேண்டிய பணிகளாகும்.

பிரான்ஸ், எகிப்து உள்ளிட்ட பிற நாடுகள் ரஃபேல் ஜெட் விமானங்களை இயக்குகின்றன, இந்தியாவுக்கு வழங்கப்படும் ஜெட் விமானங்கள் மிகவும் மேம்பட்டவை மற்றும் குறிப்பிடத்தக்கத் தேவைகளைப் பூர்த்தி செய்யும் வகையில் மாற்றியமைக்கப்பட்டுள்ளன. ஹெல்மெட்-மவுண்டட் காட்சிகள் மற்றும் இலக்கு அமைப்பு ஆகியவை விமானிகளுக்கு உள்வரும் ஆயுதங்களை சுடுவதற்குரிய விரைவான திறனை வழங்கும். எந்தவொரு தாக்குதலுக்கும் உச்சபட்ச துல்லியத்துடன் விரைவாக எதிர்வினையாற்றுவதற்காக ‘cold start’ அதிக உயரமுள்ள விமான நிலையங்களிலிருந்து புறப்படும் திறனையும் இது கொண்டுள்ளது. போர் விமானத்தின் இறப்பைக் கூடுதலாக்க, புதிய தலைமுறை ஏர்-டூ-க்ரவுண்ட் துல்லியமாக வழிநடத்தும் ஏவுகணை அமைப்புகளான ‘ஹேமர்’ஐ ரஃபேலில் சேர்க்க இந்திய விமானப்படை ஆலோசித்து வருகிறது.

இந்தியா 10 போர் விமானங்களை பெற்றுள்ளது என்பதைக் கவனத்தில் கொள்ளலாம். விமானிகள் மற்றும் பராமரிப்பு குழுவினரின் பயிற்சிக்காக ஐந்து ஜெட் விமானங்கள் பிரான்சில் நிறுத்தப்பட்டுள்ளன. செப்டம்பர் 2016 இல் கையெழுத்திடப்பட்ட ரூ .59,000 கோடி அரசுகளுக்கிடையிலான ஒப்பந்தத்தின் கீழ் 13 இந்திய குறிப்பித்தக்க மேம்பாடுகள் (ஐ.எஸ்.இ) உடன் பறக்கக்கூடிய நிலையில் பிரான்சில் இருந்து ஒப்பந்தம் செய்யப்பட்ட 36 ரஃபேல் மல்டி-ரோல் போர் விமானங்களின் ஒரு பகுதியாக இந்த ஜெட் விமானங்கள் உள்ளன. முதல் ரஃபேல் ஜெட் கடந்த ஆண்டு அக்டோபரில் பாதுகாப்புத்துறை அமைச்சர் ராஜ்நாத் சிங் பிரான்சிற்கு பயணம் செய்தபோது ஐ.ஏ.எஃப்-க்கு ஒப்படைக்கப்பட்டது. மொத்தமுள்ள 36 ரஃபேல்களும் 2021ஆம் ஆண்டின் இறுதிக்குள் வழங்கப்பட உள்ளன. இந்த விமானங்களின் முதல் பிரிவு அம்பாலா விமானப்படை தளத்தில் நிறுத்தப்படும், ரஃபேலின் இரண்டாவது பிரிவு மேற்கு வங்காளத்தின் ஹசிமாரா விமானத் தளத்தில் நிறுத்தப்படும். இரண்டு விமானத் தளங்களும் மேற்கு மற்றும் கிழக்கில் தலா 18 போர்முனைகளைக் கொண்டிருக்கும். இந்தப் போர்முனைகளில் ரஃபேலின் இரு பிரிவுகளும் ஐ.ஏ.எஃப்-க்கு கணிசமாக வலுசேர்க்கும்.

ரஃபேல் ஜெட் விமானங்களின் வருகை பிரான்சில் இருந்து இந்திய விமானப்படையில் இணைந்த மற்றொரு தொடர் போர் விமானங்களை குறிக்கிறது. இது 1953 ஆம் ஆண்டில் டூஃபானி போர்விமானங்கள், பின்னர் மிராஜ் 2000 உடன் தொடங்கப்பட்ட ஒரு மரபாகும். ரஃபேலின் தொடக்கம் இந்தியாவுக்கும் பிரான்சுக்கும் இடையிலான மூலோபாய பங்காண்மையை உயர்ந்தளவில் மேம்படுத்தும்.

நன்றி : அகில இந்திய வானொலி, திரைகடல் ஆடிவரும் தமிழ்நாதம்

http://airworldservice.org/tamil/%e0%ae%86%e0%ae%9f%e0%af%8d%e0%ae%9f%e0%ae%a4%e0%af%8d%e0%ae%a4%e0%af%88-%e0%ae%ae%e0%ae%be%e0%ae%b1%e0%af%8d%e0%ae%b1%e0%af%81%e0%ae%ae%e0%af%8d-%e0%ae%b0%e0%ae%83%e0%ae%aa%e0%af%87%e0%ae%b2%e0%af%8d/

இந்தியா மற்றும் யு.கே. : எஃப்.டி.ஏ உடன்படிக்கை

29.07.2020

இந்தியா மற்றும் யு.கே. : எஃப்.டி.ஏ உடன்படிக்கை

 (ஐரோப்பியக்கை விவகாரங்கள் குறித்த மூலோபாய ஆய்வாளர் டாக்டர் சங்கமித்ரா சர்மா அவர்கள் எழுதிய ஆங்கில உரையின் தமிழாக்கம் த.க.தமிழ் பாரதன்.)

ஆங்கிலக் கட்டுரை : http://airworldservice.org/english/archives/101922

கட்டற்ற வர்த்தக உடன்படிக்கைக்கு (எஃப்.டி.ஏ) பேச்சுவார்த்தை நடத்துவதை இந்தியா மற்றும் யு.கே. உறுதிப்படுத்தியதன் மூலம், இரு நாடுகளுக்கும் இடையிலான பொருளாதார உறவுகள் புதிய உத்வேகத்தை பெறுவதற்கான வலிமையைக் காட்டியுள்ளன. இரு நாடுகளுக்கிடையில் நடைபெற்ற 14வது கூட்டு பொருளாதார மற்றும் வர்த்தகக் குழு (ஜெ.இ.டி.சி.ஒ) மெய்நிகர் கூட்டத்தில் இதுகுறித்து விவாதிக்கப்பட்டது. இதற்கு இந்தியாவின் வர்த்தக மற்றும் தொழில்துறை அமைச்சர் பியூஷ் கோயல் மற்றும் சர்வதேச வர்த்தகத்திற்கான யு.கே. மாகாண செயலாளர் எலிசபெத் டிரஸ் ஆகியோர் தலைமை தாங்கினர். பின்தொடர்தல் மற்றும் இந்த நோக்கத்திற்கான முயற்சிகளை தீவிரப்படுத்துதலுடன், தொடக்ககால ஹார்வெஸ்ட் உடன்படிக்கைகளில் சிலவற்றை அடைவதற்கு பணிக்குழுக்கள் அடிக்கடி சந்திக்கும். கூடுதலாக, மாகாண அமைச்சர்களின் மாதாந்திர கூட்டங்களும், திரு. கோயல் மற்றும் செல்வி. டிரஸ் இடையேயான சந்திப்புகளும் இந்த ஆண்டு புதுதில்லியில் நடைபெறும்.

இந்த நிகழ்வில் வெளியிடப்பட்ட அறிக்கையானது, கூட்டு வர்த்தக மதிப்பாய்வு மூலம் வர்த்தக முன்னுரிமைகளை கோடிட்டுக் காட்டியது. முன்னுரிமைக்குரிய பகுதிகளான வாழ்க்கை அறிவியல் மற்றும் சுகாதாரம், தகவல் தொடர்பு தொழில்நுட்பம், உணவு மற்றும் பானங்கள், ரசாயனங்கள் மற்றும் சேவைகள் ஆகியவை வருடாந்திர உரையாடலின்போது வர்த்தகத்திற்கான கட்டணமில்லாத தடைகளை நிவர்த்தி செய்யும். 

வர்த்தகம் மற்றும் தொழில்துறை அமைச்சகத்தின் வர்த்தக புள்ளிவிவரங்களின்படி, 2017-2018 ஆம் ஆண்டில் யு.கே.உடனான இந்தியாவின் வர்த்தகம் 14.497 பில்லியன் அமெரிக்க டாலராக இருந்தது. கடந்த மூன்று ஆண்டுகளில் இருதரப்பு வர்த்தகத்தின் விரிவாக்கம் 27% என இரு தரப்பினரும் குறிப்பிட்டிருந்தாலும், இரு நாடுகளுக்கும் இடையிலான இருதரப்பு வர்த்தகம் 2018-19ல் 16.87 பில்லியன் டாலர்களிலிருந்து 2019-20ல் 15.5 பில்லியன் டாலராகக் குறைக்கப்பட்டது என்பதைக் கவனத்தில் கொள்ள வேண்டும். இந்த குறைவுக்கு கோவிட்-19இன் தாக்கமும் காரணம். முழுமையான தொற்றுசூழல் மற்றும் ஐரோப்பிய ஒன்றியத்தில் உறுப்பினராக இல்லாத நிலையில், எந்தவொரு நாடுகளுடனும் தனித்தனியாக பேச்சுவார்த்தை நடத்த யு.கே. இப்போது அனுமதிக்கப்பட்டுள்ளது என்பது இருதரப்பு பொருளாதார உறவுக்கு ஆதரவாக வெற்றிகரமாக இடம்பெற்றுள்ளது, உண்மையில், 2019ம் ஆண்டு தேர்தலில் பிரிட்டிஷ் பிரதமர் போரிஸ் ஜான்சன் தனது பிரச்சாரத்தின்போது உண்மையிலேயே ’யு.கே-இந்தியா உறவின்’ ஒரு பகுதியாக ‘புதிய மற்றும் மேம்பட்ட’ வர்த்தக உறவு இருக்கும் என்று உறுதியளித்திருந்தார். யு.கே.விற்கு பெரிய வாய்ப்பை பிரதிநிதிப்பதாக இந்தியச் சந்தை விளங்குகிறது, வர்த்தகத்தை விரிவுபடுத்துதல் மற்றும் ப்ரெக்ஸிட்-க்கு பிந்தைய கட்டத்தில் கூட்டுப்பங்காண்மைக்கான புதிய அம்சங்களை ஆராயவும் முயல்கிறது. யு.கே.வின் பிரெக்சிட்-க்கு பிந்தைய பொருளாதாரத்தை இந்தியா மிகச் சிறப்பாகப் பயன்படுத்த உள்ளது, நாட்டில் 800 க்கும் மேற்பட்ட நிறுவனங்கள் இயங்குகின்றன, இது பெருநிறுவன வரியில் 460 மில்லியன் யூரோவுக்கும் அதிகமான பங்களிப்பை வழங்குகிறது. எனவே, FTA ஐ உணர்ந்து கொள்வதற்கான பொறுப்பு சரியான திசையில் செல்வதற்குரிய படியாகும்.

எவ்வாறாயினும், ஒப்பந்தத்தின் நன்மைகளை முழுமையாகப் புரிந்துகொள்ள, பெருநிறுவன வரி விகிதங்கள் குறைத்தல், தரவு தனியுரிமை மற்றும் வணிக குறிகாட்டிகளைச் எளிதாக்குதல் ஆகியன இந்திய தரப்பிலிருந்து உருவாக்கப்படும் என்று எதிர்பார்க்கப்படுகிறது. முதலீட்டாளர்-நட்பு கொள்கையால், கடந்த சில ஆண்டுகளின் புதிய மற்றும் திரும்பிய வெளிநாட்டு முதலீட்டாளர்களையும் உயர் நிகர மதிப்புள்ள நபர்களையும் (HNWI) ஈர்க்க முடியும். மறுபுறம், யு.கே உடன் எஃப்.டி.ஏ பேச்சுவார்த்தை நடத்துவதில் மருத்துவர்கள், பொறியாளர்கள் மற்றும் தகவல் தொழில்நுட்ப வல்லுநர்கள் போன்ற திறமையான நிபுணர்களுக்கான செயல்வகை IV அணுகலுக்காக இந்தியா வாதிடுகிறது. பன்னாட்டு மாணவர்களுக்கு இரண்டு ஆண்டு உயர் படிப்பு பணி விசாவை அறிவிக்க யு.கே 2019இல் எடுத்த முடிவும், புள்ளிகள் அடிப்படையிலான புதிய குடியேற்ற முறையை அறிமுகப்படுத்துவதும் இந்த உறவில் முன்னேற்றங்களை ஊக்குவிக்கிறது. வியட்நாம் மற்றும் வங்கதேசம் போன்ற யு.கே.இல் உள்ள எதிர்ப்பகுதிகளை ஒப்பிடுகையில், தொழிலாளர் மிகுந்த ஜவுளி மற்றும் ஆடை தொழில்களுக்கு இழப்பை ஏற்படுத்தாத சாதகமான நிலைப்பாட்டிற்காக இந்தியா வாதிடுகிறது.

இருதரப்பு பலங்களை மூலதனமாக்குதல், பொருளாதார நிரப்புதல்களில் பணியாற்றுவது, வர்த்தகத்தை விரிவுபடுத்துதல் மற்றும் ஒரு எஃப்.டி.ஏ-ஐ திறம்பட உணர்ந்து கொள்வதற்கான தடைகளை குறைத்தல் ஆகியவை இந்தியா-யு.கே. பொருளாதார உறவுகளை புதிய நிலைக்கு மேம்படுத்துவதற்கான அத்தியாவசிய நடவடிக்கைகளாகும். பிரெக்ஸிட்-க்கு பிந்தைய சூழ்நிலையில் இந்தியா ஒரு குறிப்பிடத்தக்க வர்த்தகக் கூட்டாளி என்பதை யு.கே தெளிவாக அடையாளம் கண்டுள்ளது. பிரதமர் போரிஸ் ஜான்சன் ஐரோப்பிய ஒன்றியத்துடன் பிரெக்ஸிட்-க்கு பிந்தைய வர்த்தக ஒப்பந்தத்தை எட்ட 2020 டிசம்பர் 31 வரைக் காலக்கெடுவை கடைபிடிப்பார் என்று எதிர்பார்க்கப்படுகிறது. எல்லாவற்றையும் கருத்தில் கொண்டு, ஒரு எஃப்.டி.எ-க்கான பல சிக்கல்கள் விவாதித்து உண்மையான உணர்தலுக்கு முன் தீர்க்கப்பட வேண்டும். ஆனால் திறம்பட செயல்படுத்தப்படின், அது இரு நாடுகளுக்கும் இடையிலான பொருளாதார ஒத்துழைப்பை மேம்படுத்தி புதிய நிலைக்கு கொண்டு செல்லும் ஆற்றலைக் கொண்டுள்ளது.

நன்றி : அகில இந்திய வானொலி, திரைகடல் ஆடிவரும் தமிழ்நாதம்

http://airworldservice.org/tamil/%e0%ae%87%e0%ae%a8%e0%af%8d%e0%ae%a4%e0%ae%bf%e0%ae%af%e0%ae%be-%e0%ae%ae%e0%ae%b1%e0%af%8d%e0%ae%b1%e0%af%81%e0%ae%ae%e0%af%8d-%e0%ae%af%e0%af%81-%e0%ae%95%e0%af%87-%e0%ae%8e%e0%ae%83%e0%ae%aa/