நலிவடையும் அரபு உலகத்துடனான பாகிஸ்தானின் உறவுகள்

 நலிவடையும் அரபு உலகத்துடனான பாகிஸ்தானின் உறவுகள்

(மனோகர் பாரிக்கர்-ஐ.டி.எஸ்.ஏ தெற்காசிய மையத்தின் முதுநிலை புலமையாளர் மற்றும் ஒருங்கிணைப்பாளர் முனைவர் ஆஷோக் பெஹூரியா எழுதிய ஆங்கில உரையின் தமிழாக்கம் த.க.தமிழ் பாரதன்)

14.08.2020 ஆங்கிலக் கட்டுரை :  http://airworldservice.org/english/archives/102324

இந்தியா 370ஆவது சட்டப்பிரிவை இரத்து செய்த முதலாமாண்டு நினைவு நாளில், பாகிஸ்தான் வெளியுறவுத் துறை அமைச்சர் ஷா மஹ்மூத் குரேஷி தொலைக்காட்சி நேர்காணல் ஒன்றில், 2020 பிப்ரவரி தொடக்கத்தில் காஷ்மீர் குறித்த இஸ்லாமிய ஒத்துழைப்பு அமைப்பு (ஓ.ஐ.சி) வெளியுறவு அமைச்சர் (சி.எஃப்.எம்) மன்றத்தின் கூட்டத்தை ‘ஏற்பாடு’ செய்வதில் பாகிஸ்தானுக்கு உதவாததற்கு சவுதி அரேபியாவைப் பொறுப்பேற்க அழைத்துள்ளார்.

காஷ்மீர் குறித்த சி.எஃப்.எம் கூட்டத்தை ஓ.ஐ.சி கூட்டாவிடில், “காஷ்மீர் பிரச்சினையில் அதனோடு நின்று, ஒடுக்கப்பட்ட காஷ்மீர் இஸ்லாமியர்களை ஆதரிக்கத் தயாராக இருக்கும் இஸ்லாமிய நாடுகளின் கூட்டத்தைக் கூட்ட பாகிஸ்தான் கட்டாயப்படுத்தப்படும்” என்று குரேஷி தொலைக்காட்சி நேர்காணல் ஒன்றில் கூறியிருந்தார்.

"காஷ்மீர் பிரச்சினையில் முக்கியப் பங்கை வகிக்க இன்று மக்கா மற்றும் மதீனாவுக்காக தங்கள் வாழ்க்கையைத் தியாகம் செய்ய எப்போதும் தயாராக இருக்கும் பாகிஸ்தானியர்களுக்கு சவுதி அரேபியா தேவை. அவர்கள் இதனைச் செய்ய விரும்பவில்லையெனில், நான் பிரதமர் இம்ரான் கானிடம் சவுதி அரேபியாவுடன் இணைந்து அல்லது இணையாமலேயே முன்னேறுமாறு கேட்டுக்கொள்வேன்" என்று கூறியபோது, ​​அவர் உணர்ச்சிகளைக் கட்டுப்படுத்திக் கொண்டார்

குரேஷி வருத்தப்பட்ட ஒரே நாடு சவுதி அரேபியா மட்டுமல்ல. காஷ்மீர் பிரச்சினையில் பாகிஸ்தானுக்கு ஆதரவளிக்காததற்காக ஐக்கிய அரபு அமீரகம் (யுஏஇ) உடனான தனது வருத்தத்தையும் அவர் பதிவு செய்தார்.

பாகிஸ்தானுடைய கண்டனத்தின் வெளிப்பாடு குறிப்பிடத்தக்கதாகும். கடந்த ஆண்டு, இஸ்லாமிய நாடுகளின் கோலாலம்பூர் உச்சி மாநாட்டை பாகிஸ்தான் தவிர்த்தது. எனினும், கத்தார் சிற்றரசர், துருக்கிய அதிபர் எர்டோகன் மற்றும் ஈரான் அதிபர் ஹசன் ரூஹானி ஆகியோர் கலந்து கொண்டனர்.

சவுதி அழுத்தத்தின் காரணமாக பாகிஸ்தான் அவ்வாறு செய்ததைத் துருக்கி முதலில் கவனித்தது. 4 மில்லியன் பாகிஸ்தான் தொழிலாளர்களைத் திருப்பி அனுப்பி அவர்களுக்கு பதிலாக வங்கதேசத்தவர்களை நியமிக்குமாறு சவுதிகள் பாகிஸ்தானை அச்சுறுத்தியதாக துருக்கியின் அதிகாரப்பூர்வ ஊடகங்கள் செய்தி வெளியிட்டுள்ளன! எவ்வாறாயினும், "உம்மாஹ்வில் சாத்தியமான பிளவு தொடர்பாக முக்கிய முஸ்லீம் நாடுகளின் கவலைகளை" தீர்ப்பதற்கு நேரம் எடுக்கும் என்றும், அது "உம்மாஹ்வின் ஒற்றுமைக்காக" தொடர்ந்து செயல்படும் என்றும் அதிகாரப்பூர்வமாக பாகிஸ்தான் கூறியது.

ஒருகாலத்தில் தன்னை “ஒற்றுமையை” நிலைநிறுத்துபவராகக் கூறிக்கொண்ட பாகிஸ்தான் இப்போது காஷ்மீர் பிரச்சினையில் உம்மாஹ்வை பிளவுபடுத்துவதாக அச்சுறுத்துகிறது! இஸ்லாமாபாத்தின் செயல்நிரலுக்கு முக்கியமான சர்வதேச ஆதரவைத் திரட்ட முடியாமல் போனதில் அதன் விரக்தி, விரக்தியின் உணர்வுகளைக் காட்டிக்கொடுக்கிறது. மே 2020 முதல் ஒத்திவைக்கப்பட்ட கட்டண அடிப்படையில் எண்ணெய் விநியோகத்தை நிறுத்துவதற்கான சவுதியின் முடிவுதான் பாகிஸ்தானை மேலும் கோபப்படுத்தியிருக்க வேண்டும்.

சவுதி அரேபியா 2018 ஆம் ஆண்டில் பாகிஸ்தானின் மீட்புக்கு வந்துள்ளது, அதன் உதவிக்கு 6.2 பில்லியன் டாலர் தொகுப்பின் ஒரு பகுதியாக ஆண்டுக்கு ஒத்திவைக்கப்பட்ட பணவழங்கல்களில் 3.2 பில்லியன் டாலர் மதிப்புள்ள எண்ணெயை வழங்க ஒப்புக் கொண்டது.

பணவழங்கல் நெருக்கடி சமநிலைக்காக பாகிஸ்தான் அலைகிறது. மீதமுள்ள 3 பில்லியன் டாலர் ரொக்கக் கடனாக வழங்கப்பட்டது. ஜூலை 1, 2019லிருந்து மூன்று ஆண்டுகளுக்கு ஒத்திவைக்கப்பட்ட பணவழங்கல் வசதியை சவுதி செயல்படுத்தியது, மே மாதத்தில் கையெழுத்திடப்பட்ட ஒப்பந்தம் இந்த ஆண்டு புதுப்பிக்க வந்தது. எவ்வாறாயினும், பாகிஸ்தானின் நடத்தை குறித்து வருத்தப்பட்ட சவுதி, இந்த ஏற்பாட்டை நிறுத்தியிருக்கலாம். மற்றவற்றில், துருக்கி, மலேசியா மற்றும் ஈரான் நோக்கி பாகிஸ்தானின் சாய்வு, அதே போல் சீனா மீதான அதன் வளர்ந்து வரும் பொருளாதார மற்றும் மூலோபாய சார்பு ஆகியவை சவுதிகளுக்கு எரிச்சலை ஏற்படுத்தியிருக்கலாம்.

சவுதி பழிவாங்கல் குரேஷியின் கொந்தளிப்பைத் தொடர்ந்து வந்துள்ளது. கடனைத் திருப்பிச் செலுத்துமாறு பாகிஸ்தான் கேட்டுக் கொள்ளப்பட்டதாகவும், அறிக்கையின்படி, குறைந்த வட்டி விகிதத்தில் சீனாவிடம் கடன் வாங்கி பாகிஸ்தான் ஏற்கனவே 1 பில்லியன் டாலர் செலுத்தியுள்ளதாகவும் கூறப்படுகிறது. பாகிஸ்தான் கடனுக்கு 3.2% வட்டி செலுத்துவதாகக் கூறப்படுகிறது, இப்போது அது சீனாவின் மாநில நிர்வாக அந்நியச் செலாவணியிலிருந்து (SAFE) லண்டன் வங்கிஇடைச் சலுகை விகிதம் (LIBOR) மேலும் 1%இல் 1 பில்லியன் டாலர் கடனை ஏற்பாடு செய்துள்ளது, இது தற்போதைய விகிதங்களில் 1.18% ஆக உள்ளது. மீதமுள்ள 2 பில்லியன் டாலர்களை சவுதி அரேபியாவிற்கு செலுத்த பாகிஸ்தான் இதே போன்ற எளிதான கடன்களை ஏற்பாடு செய்ய வேண்டியிருக்கும்.

பாகிஸ்தானின் பிற பயனாளியான ஐக்கிய அரபு அமீரகம், பாகிஸ்தானுக்கு நிதி உதவி செய்வதாக அளித்த வாக்குறுதியையும் திரும்பப் பெற்றுள்ளது. டிசம்பர் 2018 இல், சவுதி அரேபியாவிடமிருந்து குறிப்பை எடுத்துக் கொண்டு, பாகிஸ்தானுக்கு 3.2 பில்லியன் டாலர் எண்ணெய் வசதியை உள்ளடக்கிய 6.2 பில்லியன் டாலர் தொகுப்பை அறிவித்தது. இருப்பினும், பின்னர், அதன் நிதி உதவியை 2 பில்லியன் டாலராகக் குறைத்ததோடு ஒத்திவைக்கப்பட்ட பணவழங்கல் திட்டம் கைவிடப்பட்டது.

பாகிஸ்தான் ஊடகங்களில் வர்ணனையாளர்கள் இஸ்லாமிய நாடுகளின் தலைவர்களை பாகிஸ்தானுக்கு ஆதரவளிக்குமாறு வலியுறுத்துவதால் அரபு நாடுகளுடனான பாகிஸ்தானின் ஏமாற்றம் முழுவதும் தெரிகிறது. அரபு உலகிலிருந்து பாகிஸ்தானின் ஆதரவு குறைந்துவிட்டதா என்பதைப் பார்க்க வேண்டும். எனினும், ஊன்றுகோலான சவுதியின் இழப்பு எதிர்வரும் நாட்களில் பாகிஸ்தானின் நிதி கவலைகளை அதிகரிக்கும் என்பது உறுதி.

நன்றி : அகில இந்திய வானொலி, திரைகடல் ஆடிவரும் தமிழ்நாதம்

தமிழ்க் கட்டுரை : http://airworldservice.org/tamil/%e0%ae%a8%e0%ae%b2%e0%ae%bf%e0%ae%b5%e0%ae%9f%e0%af%88%e0%ae%af%e0%af%81%e0%ae%ae%e0%af%8d-%e0%ae%85%e0%ae%b0%e0%ae%aa%e0%af%81-%e0%ae%89%e0%ae%b2%e0%ae%95%e0%ae%a4%e0%af%8d%e0%ae%a4%e0%af%81%e0%ae%9f/

வளர்ச்சியை நிலைநிறுத்தும் இந்தியா-பெலாரஸ் உறவுகள்

 வளர்ச்சியை நிலைநிறுத்தும் இந்தியா-பெலாரஸ் உறவுகள்

(சிஐஎஸ் மூலோபாய ஆய்வாளர் முனைவர் இந்திராணி தாலுக்தார் எழுதிய ஆங்கில உரையின் தமிழாக்கம் த.க.தமிழ் பாரதன்)

13.08.2020 ஆங்கிலக் கட்டுரை :  http://airworldservice.org/english/archives/102320

பெலாரஸின் தற்போதைய அதிபர் அலெக்சாண்டர் லுகாஷென்கோ 2020 அதிபர் தேர்தலில் வெற்றி பெற்றுள்ளார். அவர் 26 ஆண்டுகளுக்கும் மேலாக பெலாரஸின் அதிபராக இருந்து வருகிறார். தேர்தல் முடிவுகள் அறிவிக்கப்பட்டபோது, தலைநகர் மின்ஸ்க் மற்றும் பிற இடங்களில் குடிமக்கள் தங்கள் அதிருப்தியைக் காட்ட வீதிக்கு வந்தனர். இருப்பினும், தேர்தல் முடிவுகள் இந்தியாவிற்கும் பெலாரஸுக்கும் இடையிலான இருதரப்பு உறவில் எவ்விதத் தாக்கத்தையும் ஏற்படுத்தும் என்று எதிர்பார்க்கப்படவில்லை.

பெலாரஸுடனான இந்தியாவின் உறவுகள் மரபுரீதியாக சுமூகமாக இருந்துள்ளன. சோவியத் யூனியன் பிரிந்த பின்னர் 1991இல் பெலாரஸை ஒரு சுதந்திர நாடாக அங்கீகரித்த முதன்மையான நாடுகளில் இந்தியாவும் ஒன்றாகும். இந்த அங்கீகாரம் இரு நாடுகளுக்கும் பல்வேறு விசயங்களில் நல்ல புரிதலையும் பொதுவான கருத்துக்களையும் வளர்த்துக் கொள்ள உதவியது. ஐ.நா.பாதுகாப்புக் குழு (யு.என்.எஸ்.சி) மற்றும் அணுசக்தி வழங்குநர் குழு (என்.எஸ்.ஜி) போன்ற பலதரப்பு மன்றங்களில் இரு நாடுகளுக்கும் இடையிலான ஒத்துழைப்பு காணப்படுகிறது. உண்மையில், ஜூலை 2020இல் யு.என்.எஸ்.சி.யில் நிரந்தரமற்ற இடத்திற்கான இந்தியாவின் வேட்புமனுவை உறுதிப்படுத்த உதவிய நாடுகளில் பெலாரஸும் ஒன்றாகும். பல்வேறு சர்வதேச அரங்குகளில் பெலாரஸின் ஆதரவை இந்தியாவும் பரிவர்த்தனை செய்துள்ளது. ஐ.நா. அணிசேரா இயக்கம் (என்ஏஎம்) மற்றும் ஐபியு (இடை-நாடாளுமன்ற ஒன்றியம்) போன்ற பிற பன்னாட்டு மற்றும் பலதரப்பு குழுக்களில் பெலாரஸின் உறுப்பினர்நிலையை புதுதில்லி ஆதரிக்கிறது. மனித உரிமைகள் மீறல் மற்றும் கருத்துச் சுதந்திரம் மீதான கட்டுப்பாடுகள் ஆகியவற்றிற்காக பெலாரஸை குறிவைத்த ஜெனீவா மற்றும் நியூயார்க்கின் பல்வேறு தீர்மானங்கள் குறித்த இந்தியாவின் ஆதரவு நிலைப்பாடு பெலாரஸால் மிகவும் பாராட்டப்பட்டது.

உலகளாவிய சக்தியாக வளர்ந்து வரும் இந்தியாவின் வளர்ச்சியைப் புரிந்துகொண்டு, பெலாரஸ் இந்தியாவுடன் "மூலோபாய உறவை" வளர்க்க முயல்கிறது. ஜி20, ஷாங்காய் ஒத்துழைப்பு அமைப்பு (எஸ்சிஓ) மற்றும் பிரிக்ஸ் ஆகியவற்றில் புதுதில்லியின் உறுப்பினர்நிலை பெலாரஸுக்கும் குறிப்பிடத்தக்கதாகும், இது குறிப்பாக யூரேசிய பிராந்தியத்தில் தனது செல்வாக்கை விரிவுபடுத்த விரும்புகிறது.

சுமூகமான நட்புறவை வளர்ப்பதில் இரு நாடுகளும் கடுமையாக உழைத்துள்ளன. இது, இரு தரப்பிலிருந்தும் உயர் மட்ட வருகைகளுடன் வெளிப்படையாகத் தெரிகிறது. இரு தரப்பினரும் பல்வேறு பகுதிகளில் ஒத்துழைத்து வருகின்றனர். உலோகங்கள் மற்றும் சுரங்கங்கள், கல்வி மற்றும் கனரக எந்திரங்கள், அறிவியல் மற்றும் தொழில்நுட்பம், எரிசக்தி துறை, பொட்டாஷ் உரங்கள், இந்தியாவில் பொதுமின்சார போக்குவரத்து முறையை நவீனமயமாக்குதல், வேளாண்மை மற்றும் வேளாண் பதப்படுத்துதல் மற்றும் சுற்றுலா ஆகிய துறைகளில் இந்தியா மற்றும் பெலாரஸ் ஒத்துழைத்து வருகிறது. பாதுகாப்புப் பகுதிகளை உற்பத்தி செய்யும் கூட்டுத் திட்டங்களுக்கு இரு நாடுகளும் ஒப்புக் கொண்டுள்ளன. சோவியத் காலத்து பாதுகாப்புக் கருவிகளைப் பராமரிப்பதிலும் மேம்படுத்துவதிலும் பெலாரஸ் உயர் திறன்களை வளர்த்து வருவதால் இது இந்தியாவுக்கு நன்மை பயக்கும்.

2015ஆம் ஆண்டு அப்போதைய இந்தியக் குடியரசுத் தலைவரின் பெலாரஸ் பயணத்தின் போது, புதுதில்லி மற்றும் மின்ஸ்க் பல ஒப்பந்தங்கள் மற்றும் புரிந்துணர்வு ஒப்பந்தத்தில் கையெழுத்திட்டன, இதில் இந்திய பங்குகள் பரிவர்த்தனை வாரியம் (செபி) மற்றும் நிதி அமைச்சகம், இந்திய தரநிர்ணய செயலகம் அத்துடன் பிரச்சார் பாரதி மற்றும் பெலாரஸ் தேசிய தொலைக்காட்சி இடையேயான ஒப்பந்தங்கள் அடங்கும். அமைதித் தூதரை பெருமைப்படுத்தும் விதமாக 2018இல் பெலாரஸ் மாநில பல்கலைக்கழகத்தில் மகாத்மா காந்தியின் சிலையையும் பெலாரஸ் நிறுவியது. இரு நாடுகளுக்கும் இடையிலான உயர் மட்ட வருகைகளின் ஒட்டுமொத்த நிலை வெற்றிகரமாக உள்ளது.

பொருளாதாரத் துறையில், 2019ஆம் ஆண்டின் இருதரப்பு வர்த்தக வருவாய் 569.6 மில்லியன் அமெரிக்க டாலராக உள்ளது. முந்தைய ஆண்டை விட குறிப்பிடத்தக்க அதிகரிப்பு ஏற்பட்டுள்ளதாக தகவல்கள் தெரிவிக்கின்றன. 2015ஆம் ஆண்டில் பெலாரஸுக்கு சந்தைப் பொருளாதார நிலையை வழங்கிய இந்தியாவின் சிறப்பு செயற்குறிப்பு மற்றும் 100 மில்லியன் அமெரிக்க டாலர் கடன்வரம்பு ஆகியவை பொருளாதாரத் துறையின் வளர்ச்சிக்கு உதவியுள்ளன. ‘மேக் இன் இந்தியா’ திட்டங்களில் முதலீடு செய்ய பெலாரஸ்ய வணிகர்களுக்கு இந்தியாவின் ஊக்கம் பலனைத் தருகிறது.

பெலாரஸின் மூலோபாய இருப்பிடம் யூரேசியாவிற்கான இடைக்கால உயிர்நாடியாக மாறும், மேலும் எதிர்காலத்தில் சர்வதேச வடக்கு-தெற்கு தாழ்வாரத்துடன் (ஐ.என்.எஸ்.டி.சி) இணைவதற்கு இந்தியாவுக்கு உதவ முடியும். ரஷ்யா உள்ளிட்ட பிற ஐ.என்.எஸ்.டி.சி உறுப்பினர்களுடன் பெலாரஸ் பகிர்ந்து கொள்ளும் வலுவான உறவு இந்தியாவுக்கு பெரும்நன்மை அளிப்பதாகும்.

இந்தியாவிற்கும் பெலாரஸுக்கும் இடையிலான இருதரப்பு நம்பிக்கையையும் புரிதலையும் கருத்தில் கொண்டால், அந்த உறவு வலுவடையும். இந்திய தொழில்நுட்ப மற்றும் பொருளாதார ஒத்துழைப்புத் திட்டத்தின்கீழ் பெலாரஸின் மனிதவள மேம்பாட்டிற்கு இந்தியா உதவுகிறது. இதுவரை, 290க்கும் மேற்பட்ட பெலாரஸ்ய அதிகாரிகள் மற்றும் பிறர் இதன் மூலம் பயனடைந்துள்ளனர். பிரதமர் நரேந்திர மோடியின் இந்த ஆண்டு பயணத்தை பெலாரஸ் எதிர்நோக்கியுள்ளது, இது இருதரப்பு உறவுகளுக்கான முக்கிய நிகழ்வாகக் கருதப்படும்.

நன்றி : அகில இந்திய வானொலி, திரைகடல் ஆடிவரும் தமிழ்நாதம்

தமிழ்க் கட்டுரை : http://airworldservice.org/tamil/%e0%ae%b5%e0%ae%b3%e0%ae%b0%e0%af%8d%e0%ae%9a%e0%af%8d%e0%ae%9a%e0%ae%bf%e0%ae%af%e0%af%88-%e0%ae%a8%e0%ae%bf%e0%ae%b2%e0%af%88%e0%ae%a8%e0%ae%bf%e0%ae%b1%e0%af%81%e0%ae%a4%e0%af%8d%e0%ae%a4%e0%af%81/

மனசெல்லாம் பந்தலிட்டு

முல்லக் கொடியா உன்ன நட்டேன்!

உசுருக்குள் கோயில்கட்டி

உன்னக் கொலுவச்சி கொண்டாடினேன்!

மழ பேஞ்சா தானே உன்வாசம்!

உன்னை நினச்சாலே பூ வாசந்தான்.......

காஷ்மீரின் வளமான பண்பாட்டு மரபு

30.07.2020

காஷ்மீரின் வளமான பண்பாட்டு மரபு

 (அரசியல் உரையாளர் அசோக் ஹண்டூ எழுதிய ஆங்கில உரையின் தமிழாக்கம் த.க.தமிழ் பாரதன்)

ஆங்கிலக் கட்டுரை : http://airworldservice.org/english/archives/101977

இந்தியாவின் மகுடமான காஷ்மீர், கலப்புப் பண்பாட்டிற்கு மிகப் பொருத்தமான சான்றாகும், அங்கு பல்வேறு சிந்தனை ஓடைகள் தலைமுறைகளாக இணைந்திருக்கின்றன, மரபுகள் ஒன்றுக்கொன்று மதிப்பு சேர்க்கின்றன. இது இந்து, பௌத்தம் மற்றும் இஸ்லாம் ஆகியவற்றால் தாக்கம்பெற்றுள்ள பல தத்துவங்களின் உண்மையான கலவையாகும், இந்த உயர்நிலை ‘காஷ்மீரியத்’ என்று அறியப்படுகிறது. இந்த தத்துவத்தின் சாராம்சம் ஒற்றுமையுடனும் சகோதரத்துவத்துடனும் வாழ்வதே ஆகும்.

14 ஆம் நூற்றாண்டில் இஸ்லாத்தின் வருகைக்கு முன்புவரை, காஷ்மீர் இந்து மதம் மற்றும் பௌத்த மதத்தின் கட்டுப்பாட்டில் இருந்தது. அதன் பின்னர் அது இஸ்லாமிய செல்வாக்கின்கீழ் வந்தது. ஆனால் மதம், ஆன்மீகம் மற்றும் சிந்தனை ஓட்டங்கள் ஒருபோதும் விரோதமானவை அல்ல, ஆனால் ஒன்றுக்கொன்று பாராட்டுக்குரியவை. எனவே, அவ்விடத்தில் இந்து ஆன்மீகம் இருந்திருந்ததால், இஸ்லாத்தின் ஆன்மீக மரபான சூஃபி இயக்கமும் செழித்து வளர்ந்தது. லால் டெட் என்று பிரபலமாக அறியப்பட்ட சிறந்த ஆத்ம கவிஞர் லாலேஸ்வரி தனது ‘வாக்ஸ்’ (கவிதை) மூலம் ஆன்மீகத்தைப் உபதேசித்தார். இஸ்லாமிய காலத்திற்கு, முந்தைய மற்றும் பிந்தைய காலங்களுக்கு இடையிலான பாலமாக அவர் விளங்கினார். அவரது சமகாலத்தவரான, நண்ட் ரிஷி என்றழைக்கப்பட்ட ஷேக் நூர் உத் தின் நூரானிக்கு இசைக்கோல் அனுப்பினார். அவர்கள் புனித கவிஞர்களாக இருந்தனர். அவர்கள் மனிதகுலத்தின் முன்னேற்றத்திற்காக வெவ்வேறு சிந்தனையோட்டங்களை ஒத்திசைப்பதாகக் கூறினர். சாமானியர்களுக்கான தனது செய்தியின் ஊடகமாக காஷ்மீர் மொழியைப் பயன்படுத்திய முதல் கவிஞர் லால் டெட் ஆவார்.

இந்த சிந்தனை ஒருங்கிணைப்பு காஷ்மீரின் ஒவ்வொரு வாழ்க்கைத் துறையிலும் பிரதிபலித்தது. மதத்தில், இந்துக்களும் இசுலாமியர்களும் ஒருவருக்கொருவர் முழுமையான இணக்கத்துடன் வாழ்ந்தனர். பள்ளத்தாக்கு முழுவதும் இந்துக்களாலும் இசுலாமியர்களாலும் சமமாகப் போற்றப்படும் ஏராளமான திருத்தலங்கள் அவ்வாறுதான் உள்ளன. தீவிரவாத சக்திகளால் தங்கள் மோசமான எண்ணங்களை அடைய மக்களின் இந்த மதச்சார்பற்ற தன்மையே இலக்காக வைக்கப்பட்டது.

முன்னதாக, வெவ்வேறு ஆட்சியாளர்களால் இந்த இடத்தின் மதச்சார்பற்றத் தன்மையை சேதப்படுத்தும் முயற்சிகள் மேற்கொள்ளப்பட்டுள்ளன. ‘பட்ஷிகன்’ என்று அழைக்கப்படும் சிக்கந்தர், ஐகானோக்ளாஸ்ட், ஆயிரக்கணக்கான கோயில்களை அழித்து கட்டாய மாற்றங்களைத் தொடர்ந்தார். ஆனால், பின்னர் புட்ஷா, காஷ்மீர் பண்டிதர்களுக்கு மறுவாழ்வு அளித்ததோடு பள்ளத்தாக்கிலிருந்து தப்பி ஓடியவர்களை மீண்டும் அழைத்து வந்தார். ஆனால் இந்த தனிமைப்படுத்தப்பட்ட அத்தியாயங்களுக்கு எப்போதும் அமைதி, இருதரப்பு சகோதரத்துவம் மற்றும் ஆன்மீகம் ஆகியவற்றின் நிலமாக காஷ்மீர் இருந்து வருகிறது. காஷ்மீரின் முதல் சூஃபி கவிஞர் நண்ட் ரிஷி, எளிமையைப் போதித்து சுற்றுச்சூழலைப் பாதுகாக்க வலியுறுத்தினார். நமது காடுகள் நீடிக்கும் வரை மட்டுமே உணவு நீடிக்கும் என்ற அவரது கூற்று மக்களிடையே மிகவும் பிரபலமானது.

கோனந்தா ஆண்ட இந்த இடம் மகாபாரத போர்க்காலத்திற்கு முந்தையது என்று காஷ்மீரின் வரலாறு கூறுகிறது. பின்னர், அசோகர் இன்றைய ஸ்ரீநகருக்கு அருகிலுள்ள இடத்தில் ஸ்ரீநகர் நகரத்தை நிறுவினார். காஷ்மீரில் வாழ்க்கை பல பண்பாடுகளால் தாக்கம் பெற்றுள்ளது. இன்று நாம் காண்பது, அந்த இடத்தை ஆண்டவர்கள் அல்லது ஆன்மீகத்தைத் தேடி பள்ளத்தாக்குக்கு வந்த முகலாயர், ஆப்கானியர் மற்றும் பிறரின் கலவையாகும். காஷ்மீர் அப்போது உலகம் முழுவதும் ‘ரிஷ் வேர்’ புனிதர்களின் நிலம் என்று அறியப்பட்டது. உலகப் புகழ்பெற்ற கையால் நெய்யப்பட்ட தரைவிரிப்புகள் மற்றும் வண்ணமயமான வடிவமைப்புகள் மற்றும் உயர் வகுப்பு எம்பிராய்டரிக்கு பெயர் பெற்ற பாஷ்மினா சால்வைகள் போன்ற கைவினைப் பொருட்கள் துறையில் பாரசீகத்தின் தாக்கம் முக்கியமானது. தனித்துவமான மரச் செதுக்குதல் மற்றும் பேப்பியர் மேச் ஆகியவை பல பண்பாட்டுச் சங்கமத்தின் விளைவாகும். இந்தோ-கிரேக்க செல்வாக்கு பண்டைய கோவில்களின் கட்டிடக்கலையில் காணப்படுகிறது. இசுலாமிய செல்வாக்கு உணவுப் பழக்கவழக்கங்களில் காணப்படுகிறது, இதன் விளைவாக பிரபலமான ‘வாஸ்வான்’, பலவகை புலால் உணவுகள் தோன்றின. ஜம்மு பகுதி வட இந்திய பண்பாட்டால் தாக்கமடைந்துள்ளது.

இயற்கையின் அருட்கொடை பெற்றுள்ள காஷ்மீர், எப்போதும் ஓர் அற்புதமான சுற்றுலாத் தலமாக அறியப்படுகிறது. இது உண்மையிலேயே ஒரு மினி இந்தியா ஆகும், இது இயற்கையின் அருட்கொடையின் மத்தியில் வெப்பமான மற்றும் குளிரான பகுதிகளை உள்ளடக்கியுள்ளது.

குறிப்பாக இசை மற்றும் இசைக்கருவிகள் துறையில் காஷ்மீரின் புவியியல் இருப்பிடம் எப்போதும் மத்திய மற்றும் கிழக்கு ஆசியாவிலிருந்து தாக்கம் பெற்றுள்ளது. ஆப்கானிஸ்தானும் காஷ்மீரின் இசையில் பெரும் தாக்கம் செலுத்தியது. 12 ஆம் நூற்றாண்டில் சமஸ்கிருதத்தில் கல்ஹானா எழுதிய ராஜ்தரங்கினி, வரலாற்றின் முதல் பதிவாகும்.

நவீன காலங்களிலும், இந்து-இசுலாம் ஒற்றுமை மற்றும் இருதரப்பு சகோதரத்துவத்தைக் கடவுளை அடைய வழி என்று போதித்த மெஹ்ஜூர் மற்றும் ஆசாத் போன்ற கவிஞர்களைக் காஷ்மீர் கொண்டுள்ளது. இதனால் பெருமைப்பட வேண்டியது நிறைய இருக்கிறது. இது தொடர்ந்து வெற்றியடைந்து முன்னேற்றத்தைக் காட்டும்.

நன்றி : அகில இந்திய வானொலி, திரைகடல் ஆடிவரும் தமிழ்நாதம்

http://airworldservice.org/tamil/%e0%ae%95%e0%ae%be%e0%ae%b7%e0%af%8d%e0%ae%ae%e0%af%80%e0%ae%b0%e0%ae%bf%e0%ae%a9%e0%af%8d-%e0%ae%b5%e0%ae%b3%e0%ae%ae%e0%ae%be%e0%ae%a9-%e0%ae%aa%e0%ae%a3%e0%af%8d%e0%ae%aa%e0%ae%be%e0%ae%9f%e0%af%8d/